16 yanvar, saat 15:00-da 2011-ci il tarixdə Xətai rayon MKS-də 20 yanvar “Hüzn günü” ilə əlaqədar “Qanla yazılmış şərəf salnaməsi” adlı tədbir keçirildi. Tədbir azadlığımız uğrunda canlarından keçən 20 yanvar şəhidlərinin 22-ci ildönümünə həsr edilmişdir. Tədbirdə Xətai rayon MKS-in filialları, Humanitar Fənlər Liseyinin şagirdləri, 48, 261 saylı məktəbin şagirdləri, Azərbaycan Respublikasının əməkdar artisti, dosent Mirnazim Əsədullayev, Kamança ifaçısı Bayraməli Əliyev və kitabxananın oxucuları iştirak edirdilər.
Tədbir şəhidlərimizin ruhunun bir dəqiqəlik sükutla yad edilməsiylə başlandı.
Tədbiri giriş sözü ilə kitabxananın direktoru Oruc Quliyev açaraq Azərbaycanın azadlığı, suverenliyi, müstəqilliyi uğrunda hər şeydən əziz olan, canlarını vətən yolunda qurban verən 20 yanvar şəhidlərinin 22-ci ildönümünün qeyd edilməsindən, bu günün kədərli gün kimi yox, qəhrəmanlıq səhifəsi kimi, bu baxımdan respublikamızın hər yerində canlarını vətən uğrunda şəhid etmiş qəhrəmanların xatirəsinin böyük ehtiramla yad edilməsindən söz açdı və sözü tədbiri aparmaq üçün MKS-in kitabxanaçısı Təranə Quliyevaya verildi. O, 20 yanvar faciəsi haqqında məlumat verərək, bu günün nə qədər ağrılı-acılı olmasını, həmin faciəli günlərdə öz ölkəsinin, xalqın azadlığını, şərəf və ləyaqətini hər şeydən uca tutan mərd vətən övladlarının canlarından keçərək şəhidlik zirvəsinə ucalmasından danışdı və B.Vahabzadənin “Proloq” adlı şeir parçasını söylədi.
Aparıcı çıxış üçün sözü 1 saylı filialın xidmət şöbəsinin müdiri Şamoy Orucova verdi. O, da 20 yanvar tarixində şəhid olan qəhrəmanlarımız haqqında, Azərbaycan xalqına qarşı edilən soyqrımdan danışdı.
Şamoy müəllimin çıxışından sonra söz Humanitar Fənlər Liseyinin şagirdləri Yusifli Aygün, Qurbanova Həvva, Yusifli İlahə, Qurbanov Ravin, Haşımov Aytac, İbrahimova Günaya verildi. Onlar Z.Yaqubun, B.Vahabzadənin yazdığı şeir parçalarını söylədilər. Daha sonra Z.Yaqubun şeirlərini söyləmək üçün 48 saylı məktəbin IX sinif şagirdi Nigar Məhərrəmova söz aldı. Kamança ifaçısı Bayraməli Əliyevin müşayiəti ilə şeirlər səsləndi.
Çıxış etmək üçün Xətai rayon MKS-in Azərbaycan bölməsinin işçisi Nəzakət Cəfərovaya söz verildi. O, Sovet Ordusunun böyük kontingentinin, xüsusi təyinatlı bölmələrin və daxili qoşunların Bakıya yeridilməsi, xüsusi qəddarlıq və görünməmiş vəhşiliklə müşahidə edilməsindən və s bu kimi hadisələrdən danışdı. Nəzakət xanımın çıxışından sonra 261 saylı məkətbin IV sinif şagirdi Səma Rzayeva B.Vahabzadənin “Şəhidlər” adlı şeir parçasını söylədi. MKS-in Kitabişləmə və Komplektləşdirmə şöbəsinin baş kitabxanaçısı Ağgül Mərdanova 20 yanvar tarixində erməni qəsbkarlarının törətdikləri vəhşilikdən, qocalara, cavanlara, ana və bacılarımızın başına açdığı zülmlərdən söz açdı. MKS-in kitabxanaçısı Əzizə Balakişiyeva B.Vahabzadənin “Baba müəllim” adlı şeir parçısını tədbir iştirakçılarına çatdırdı.
Aparıcı tədbirdə iştirak edən hər bir kəsə öz minnətdarlığını bildirdi və sözü Humanitar Fənlər Liseyinin şagirdlərinə verdi. Onlar qrup halında Z.Yaqubun “Tanrım məni şəhid elə” adlı şeirini söylədilər. Tədbirin sonunda iştirakçılar bu mövzu ilə əlaqədar təşkil olunmuş sərgiyə baxış keçirdilər.
