29 dekabr 2011-ci il tarixdə Xətai rayon MKS-in 3 saylı filialında istedadlı şair N.Kəsəmənlininin 65 illik yubileyi ilə əlaqədar tədbir keçirildi.Aparıcı tədbiri giriş sözü ilə açaraq N.Kəsəmənli haqqında onun yaradıcılığı ilə bağlı ümumi məlumat verdi və qeyd etdi ki, Azərbaycan tarixində məhəbbət mövzusunda yazmayan şair təsəvvür etmək çətindir, klassiklərimizdən başlayaraq bu günümüzə qədər bu ənənə davam edir. Lakin əvvəlki dövrlərdən fərqli olaraq müasir dövrdə hansısa böyük sənətkarı ümumiyyətlə “Məhəbbət şairi” adlandırmaq o qədər də asan deyil. Nüsrət Kəsəmənli haqqında isə cəsarətlə demək olar ki, o Azərbaycanın ən böyük məhəbbət şairlərindən biridir. Kitabxana filialın müdiri PƏRİ Paşayeva çıxış edərək şairin səmimiyyətindən, dünyaya şair gəlib, şair kimi getməyindən, gənclərin onu necə sevməyindən bəhs etdi.
Şair haqqında fikirləri kitabxananın əməkdaşı Məryəm Səfərli davam etdirdi. N.Kəsəmənli yaradıvılığını müasir ədəbiyyatşünaslıq anlayışları ilə izah etmək çətindir, ona görə yox ki, bu anlayışlar güczüdür, sadəcə ona görə ki, N.Kəsəmənli yaradıcılığının texnologiyasını vermək gücündə deyil.
Digər çıxışçılarGülnisə Mürsəlova, Sədiyyə Eldarova, Vəfa Umbayeva şairin yaradıcılığı haqqında maraqlı fikirlər söylədilər.N.Kəsəmənli yaradıcılığının vurğunu olan Günül Ağarzayeva şairin “Alın məni bu kədərin əlindən”! şeirini söylədi. Tədbirin digər iştirakçıları Aygün Süleymanova “Mənsiz dünya”, Kişizadə Ramin “Yaddan çıxmaz Qzrabağ”, Maral Zeynalova “Mən belə ömrü istəməmişdim” şeirlərini söyləməklə yanaşı həmin şeirlərə təhlillət verdilər. Sonra tədbirin bədii hissəsi başladı. Fəal oxucularımızdan biri olan Zümrüd Zeynalova və başqaları şairin sözlərinə bəstələnmiş mahnıları ifa etdilər.
Sonda filialın müdiri P.Paşayeva tədbir iştirakçılarına minnətdarlığını bildirdi və tədbiri bağlı elan etdi.