29 dekabr 2011-ci il tarixdə Xətai rayon MKS-in Mərkəzi Kitabxanasında 31 dekabr Dünya Azərbaycanlıların Həmrəylik gününə həsr olunmuş "Gücümüz birliyimizdədir" adlı söhbət keçirildi.
Tədbiri giriş sözü ilə alan MKS-in Vahid fond və kitabxanalararası abonoment şöbəsinin müdiri Səadət Mürşüdova bu tədbirin əhəmiyyəti, yaranma tarixi, dünyada yaşayan Azərbaycanlıların həmrəyliyinin vacibliyi haqqında danışdı və ümumilli liderimiz H.Əliyevin bu sahədə xüsusi xidmətlərini qeyd etdi.
Kitabxananın əməkdaşı Venera Ələsgərova son illər dünyada yaşayan Azərbycanlıların daha fəal şəkildə iş aparmasından, cənab prezidentimizin səyləri nəticəsində dünyada Azərbaycan həqiqətlərinin dərk edilməsindən danışdı və qeyd etdi ki, bütün bunların nəticəsində Dağlıq Qarabağ məsələsində dünyada xarici siyasət sahəsində üstünlük Azərbaycanın xeyrinə dəyişmişdir. Digər çıxışçılar da bu əlamətdar günlə bağlı öz fikirlərini bildirdilər.
Kitabxananın əməkdaşı Pərvanə Nağıyevanın, Nəzakət Cəfərovanın, Zərifə Əzimovanın və 154 saylı məktəbin şagirdlərinin söylədiyi şeirlər tədbiri daha maraqlı etdi.